IES As Fontiñas (Santiago de Compostela)

Os problemas de saúde mental inclúen cambios no pensamento, no estado de ánimo ou no comportamento. Cando estes cambios son graves, chámanse enfermidades mentais. Hai unha gran variedade:

-Esquizofrenia: é unha enfermidade  grave na cal o paciente mostra un pensamento desorganizado, delirios,  ten alucinacións… A persoa que padece esta enfermidade ve distorsionada de forma importante a súa facultade de razoar e as súas percepcións. Os síntomas a miúdo comezan en adultos xóvenes.

-Trastornos de ansiedade: é un grupo de trastornos que teñen en común un medo ou temor intensos.

-Depresión: é a enfermidade mental máis común. Consiste nun trastorno no estado do animo que se presenta como un estado de abatimiento e infelicidades que pode ser transitorio ou permanente.

-Trastornos da conduta alimentaria: a miúdo empezan na xuventude. Normalmente afectan ás mulleres. Son a anorexia nerviosa e a bulimia. Na anorexia nerviosa a persoa está demasiado delgada, pero vese gorda. Por iso esta persoa négase a comer, para non poñerse máis gorda según ela. Nas mulleres é frecuente que desapareza a menstruacion. Unha persoa con bulimia ten un peso adecuado ou un pouco maior. Presenta episodios de comer desmesuradamente que van seguidos de sentimentos de culpabilidade, polo que intenta eliminar o que comeu a través de vomitos, exercicio desmesurado…

-Síndrome de déficit de atención e hiperactividade: Diagnostícase en nenos e trátase dun transtorno neurolóxico do comportamento caracterizado por unha distracción moderada, periodos de atención breve, inquietude motora, inestabilidade emocional e conductas impulsivas.

-Trastornos da personalidade: son diversos trastornos que se caracterizan por patróns ríxidos e non apropiados de comportamento.

-Demencia: Consiste na perda progresiva das capacidades mentais, fundamentalmente a memoria. É máis frecuente en anciáns e a máis común é a enfermidade de Alzhéimer.

Actualmente existen tratamento efectivos para este tipo de enfermidades.  Numerosos tratamentos farmacolóxicos e psicolóxicos que, xunto con estratexias de autoaxuda e o apoio da comunidade, permiten que os enfermos curen ou teñan unha melloría.

Moitos enfermos non acoden a recibir o tratamento axeitado. O motivo é principalmente o medo e a preocupación porque os seus coñecidos saiban que padecen unha enfermidade deste tipo.

Todos podemos facer algo para que estas persoas non teñan ese medo e consiste en:

-Tratar a xente con enfermidades mentais con respecto e dignidade.

-Non etiquetar a xente polo diagnóstico. Por exemplo, non se debería dicir de alguén que ”é un esquizofrénico” senón que “ten esquizofrenia”

Tags: Anorexia, Ansiedade, Bulimia, Demencia, Depresión, esquizofrenia, Hiperactividade, Saúde