IES As Fontiñas (Santiago de Compostela)

En xaneiro un territorio de 1,3 millóns de quilómetros cadrados, que se estendía por 15 provincias do sur de China, quedou cuberto pola neve e viuse exposto a baixadas persistentes da temperatura e á aparición de xeo. Así describía hai uns días no balance de fenómenos climáticos extremos a Organización Meteorolóxica Mundial (OMM) a situación vivida en China a principios deste ano. Onte, a aseguradora alemá Munich Re engadía cifras a esa descrición: 129 mortos e 21.100 millóns de dólares en perdas económicas. Non foi o evento con maior número de vítimas, pero si o terceiro en perdas.
Segundo o informe que cada ano elabora a devandita aseguradora, 2008 foi o terceiro peor ano da historia no que se refire a custos económicos provocados por catástrofes naturais, 200.000 millóns de dólares, só por detrás do «huracanado» 2005 (220.000 millóns de dólares) e de 1995, cando se produciu o terremoto en Kobe (Xapón). Segundo o informe da aseguradora, o grande número de ciclóns tropicais e o terremoto de Sichuan (China) converteron 2008 nun dos anos máis desvastadores da historia, con preto de 220.000 mortes debidas a fenómenos extremos da natureza.
O máis calamitoso foi o ciclón Nargis, que desatou toda a súa forza en Myanmar no mes de maio, deixando 84.500 mortos e 50.000 desaparecidos. Segundo a OMM, foi o ciclón máis desvastador que pasou por Asia dende 1991. Provocou o maior desastre natural xamais rexistrado en Myanmar. Ségueo o terremoto de Sichuan con 70.000 mortos, 18.000 desaparecidos, 374.000 feridos e 5 millóns de persoas sen fogar. Este sismo causou danos materiais por un importe total de 85.000 millóns de dólares (59.243 millóns de euros), aínda que as perdas aseguradas ascenderon unicamente a 300 millóns de dólares (209 millóns de euros).

Máis información en:

http://www.abc.es/20081230/nacional-sociedad/2008-cierra-muertos-desastres-20081230.html

Álvaro Vilar Barreiro

Tags: desastres, desastres naturais, mortos, mundo, naturais